എവിടെയും ഞാനൊന്നും അവശേഷിപ്പിക്കാറില്ല,
ഒരിക്കലും
ഒരു ഫോണ് നമ്പര് പോലും ;
പറയാനറിയാഞ്ഞിട്ടല്ല
ഒരു വിലാസം പോലും പറയാറില്ല .
നടന്നകലുമ്പോള് ഉയരുന്ന പൊടിപടലത്തില്
കരിയില പോലെ പാറിക്കളിക്കുന്ന
ഓര്മ്മകളായി
മറവിയുടെ ചുഴികള് തേടി
ഒറ്റയ്ക്ക് ഞാന് ...
എവിടെനിന്നൊക്കെയോ
എന്നെ തേടി വരുന്ന പോസ്റ്റ്കാര്ഡുകളില്
ഞാന് പറയാത്ത എന്റെ വിലാസം ,
മൊബൈലിലെ ഇന്ബോക്സില്
നിറഞ്ഞു കവിയുന്ന മെസ്സേജുകളില്
ഞാന് പറയാത്ത എന്റെ ഫോണ് നമ്പര്
ഒറ്റപ്പെട്ടെന്നു ഞാന് കരുതിയ വഴികളിലും
നിങ്ങളെന്നെ
വിടാതെ പിന്തുടരുകയായിരുന്നു ....
